جنوبی کشمیر کے ضلع کولگام کی میونسپل کمیٹی دیوسر میں تعینات عارضی صفائی ملازمین نے نوکریوں کی مستقلی کے حوالے سے میونسپل احاطے میں احتجاج کیا۔
عارضی ملازمین نے ہاتھوں میں پلے کارڈز اٹھا رکھے تھے جن پر نوکریوں کو مستقل کرنے، ’’ہم کیا چاہتے انصاف‘‘ جیسے نعرے درج تھے۔
کولگام میں عارضی صفائی ملازمین کا احتجاج
عارضی ملازمین کا کہنا تھا کہ وہ طویل عرصے سے قلیل مشاہرے پر اپنی خدمات انجام دے رہے ہیں جس سے آج کے دور میں گزارہ کرنا مشکل ہو رہا ہے۔
اس حوالے سے انہوں نے لیفٹیننٹ گورنر انتظامیہ اور ڈائریکٹر اربن لوکل باڈیز سے SRO64کے تحت انہیں محکمہ میں مستقل نوکری فراہم کرنے کی گزارش کی۔
