نئی دہلی: دنیا بھر کے کرکٹ شائقین کو آئی سی سی چیمپئنز ٹرافی 2025 کے بھارت اور پاکستان کے درمیان ہونے والے میچ کا بے صبری سے انتظار ہے۔ اب اس میچ کے شروع ہونے میں صرف ایک دن باقی ہے۔ اس سے قبل سابق بھارتی کرکٹر نے کہا ہے کہ، ان کی خواہش ہے کہ پاکستان یہ میچ جیتے۔ ان کے اس بیان سے تمام ہندوستانی شائقین حیران ہیں۔
میں چاہتا ہوں کہ پاکستان جیت جائے:
سابق بھارتی کرکٹر اتل وسان نے کہا ہے کہ ٹورنامنٹ کا جوش برقرار رکھنے کے لیے وہ چاہتے ہیں بھارت۔ پاکستان میچ میں پاکستان جیت جائے۔ اتل وسان نے اے این آئی کو بتایا کہ وہ چاہتے ہیں کہ پاکستان اتوار کو دبئی انٹرنیشنل اسٹیڈیم میں ہندوستان کے خلاف سنسنی خیز میچ جیتے۔
The #GreatestRivalry with a revenge plot? It's a box-office hit! 🔥
— Star Sports (@StarSportsIndia) February 22, 2025
Watch the LIVE screening of 🇮🇳 🆚 🇵🇰 at your nearest @PicturesPVR cinema! 🍿📽#ChampionsTrophyOnJioStar 👉 #INDvPAK | SUN, 23rd FEB, 1:30 PM on Star Sports 1, Star Sports 1 Hindi, Star Sports 2 & Sports 18-1!… pic.twitter.com/cz5dSgg0ZM
وسان نے کہا کہ اگر پاکستان میچ جیت جاتا ہے تو ٹورنامنٹ زندہ رہے گا۔ انہوں نے کہا، میں چاہتا ہوں کہ پاکستان جیت جائے کیونکہ یہ ایک دلچسپ ٹورنامنٹ ہوگا۔ پاکستان کو جیتنے نہیں دیں گے تو کیا کریں گے؟ پاکستان جیت گیا تو ٹائی ہو جاتا ہے۔ برابری کی جنگ ہونی چاہیے۔
پاکستان نیوزی لینڈ سے ہار گیا:
آپ کو بتاتے چلیں کہ میزبان پاکستان کو اپنے پہلے میچ میں نیوزی لینڈ کے ہاتھوں شکست کا سامنا کرنا پڑا تھا اور وہ اس وقت چیمپئنز ٹرافی گروپ اے کے پوائنٹس ٹیبل میں چوتھے نمبر پر ہے۔ ٹورنامنٹ میں ابھی 3 میچز باقی ہیں، اگر دفاعی چیمپئن ٹیم کل بھارت کے خلاف میچ نہ جیت سکی تو اس کے لیے کوالیفائی کرنا مشکل ہو سکتا ہے۔ اس کے ساتھ ہی ہندوستان نے بنگلہ دیش کو 6 وکٹوں سے شکست دے کر اپنی مہم کا آغاز فتح کے ساتھ کیا ہے۔
اتل وسان نے گوتم گمبھیر کو نشانہ بنایا:
وہیں، واسن نے ہندوستان کے ہیڈ کوچ گوتم گمبھیر پر ریشبھ پنت کو پلیئنگ الیون میں شامل نہ کرنے پر تنقید کی، واسن نے دلیل دی کہ پنت کی موجودگی کے ایل راہول سے زیادہ مخالف ٹیم کو خوفزدہ کرے گی۔
India Vs Pakistan poster by Star Sports. pic.twitter.com/qOUhLt56eH
— Mufaddal Vohra (@mufaddal_vohra) January 16, 2025
پاک بھارت میگا میچ 23 فروری کو ہوگا:
چیمپئنز ٹرافی 2025 کے سب سے بڑے مقابلے میں بھارت اور پاکستان کی ٹیمیں اتوار 23 فروری کو آمنے سامنے ہوں گی۔ دونوں ٹیموں کے درمیان یہ میچ دبئی انٹرنیشنل اسٹیڈیم میں ہندوستانی وقت کے مطابق دوپہر ڈھائی بجے شروع ہوگا۔ جس کے لیے ٹاس دوپہر دو بجے ہوگا۔
یہ بھی پڑھیں:
