عالمی یوم مادری زبان کے موقع پر ڈگری کالج کولگام میں تقریب

ڈگری کالج کولگام میں عالمی یوم مادری زبان کی مناسبت سے ایک تقریب کا اہتمام کیا گیا۔

عالمی یوم مادری زبان کی مناسبت سے منعقد تقریب میں کشمیری شاعر اور سماجی کارکن کے ساتھ ڈگری کالج کے پرنسپل اساتذہ اور طلباء نے بھی شرکت کی۔

اس موقع پر طلباء و شاعروں نے خطاب کرتے ہوئے کہا کہ' مادری زبان ایک شناخت ہے اور ہر ایک کو اس کے تحفظ کے لیے کام کرنا چاہئے۔ مقرریں نے کہا کہ' اساتذہ مادری زبان کے تحفظ میں اہم کردار ادا کرسکتے ہیں۔انہوں نے کہا کہ' کشمیری زبان محبت، امن اور بھائی چارہ کی علامت ہے۔

اس موقع پر کالج کے پرنسپل نے خطاب کرتے ہوئے کہا کہ' مادری زبان ہمارے والدین کی میراث ہے، اسے محفوظ رکھیں اور اس کی ترقی کے لئے کام کریں۔