ضلع کولگام کے چوگام علاقہ میں بیک ٹو ولیج تیسرے مرحلے کے پروگرام کے تحت مقامی کھلاڑیوں میں کھیل کود کا سامان تقسیم کیا گیا۔
ہائر سیکنڈری اسکول چوگام میں بدھ کو والی بال، بیڈ منٹن سمیت کئی کھیلوں کا اہتمام کیا گیا جس دوران مقامی سرپنچ، وزٹنگ آفیسر اور ایس ایچ او کے علاوہ شائقین نے کھلاڑیوں کی حوصلہ افزائی کی۔
کولگام: کھلاڑیوں میں سپورٹس کٹس تقیم
اس موقع پر سرپنچ اجے رینا نے کھلاڑیوں میں کھیل کود کا سامان تقسیم کیا۔ اجے رینا کا کہنا تھا کہ بچوں کو کھیل کود کی طرف راغب کرنا اور انہیں اچھا فلیٹ فارم فراہم کرنا بیک ٹو ولیج پروگرام کا ایک اہم حصہ ہے۔
انہوں نے مزید کہا کہ کھلاڑیوں میں اسپورٹس کٹس تقسیم کرنے کا مقصد نوجوانوں کو کھیل کود کی جانب راغب کرانا ہے تاکہ نوجوان پڑھائی کے ساتھ ساتھ جسمانی اور ذہنی طور تندرست رہ سکیں۔
