شجر کاری مہم کے تحت ضلع کشتواڑ کے دور دراز علاقہ مڑواہ ڈویژن کے ڈویژن فاریسٹ آفیسر ایس ایف ایس وجے کمار نے گزشتہ روز مڑواہ کے ناید گام کمپارٹمنٹ نمبر 48/U میں شجر کاری کی جہاں نایدگام رینج کے تمام ملازمین موجود رہے۔ اس دوران مقامی سرپنچ نے بھی بڑھ چڑھ کر شرکت کی۔
اس دوران ڈی ایف او مڑواہ وجے کمار نے کہا کہ 'مڑواہ کے تمام کمپارٹمنٹوں میں شجر کاری مہم کی شروعات کی گئی ہے اور ہزاروں کی تعداد میں دیودار تا دیگر درخت لگائے جارہے ہیں۔'
ٹھاکرائی کے لوگوں نے ڈی ایف او مڑواہ کی شجر کاری مہم کی بہترین کارکردگی پرمحکمہ جنگلات کے اعلی حکام سے پر زور مطالبہ کیا کہ بلاک ٹھاکرائی میں شجر کاری مہم کا آغاز کیا جائے اور جنگلات کو بڑھاوا دیا جانا چاہیے۔ تاکہ علاقے کو مزید فضائی آلودگی سے پاک بنایا جا سکے۔ اور فضائی آلودگی سے پیدا ہونے والی بیماری سے نجات ملے۔
