آج 5 رکنی بینچ کے ذریعے کیے گئے سوالوں پر غور ہوگا۔
کیرالہ کی سبری مالا مندر میں خواتین کے داخلہ کے سلسلے میں آج سپریم کورٹ کی نو ججز پر مبنی آئینی بینچ دائر کردہ 50 درخواستوں کی سماعت کرنے والی تھی جو اب ملتوی کر دی گئی ہے۔
چیف جسٹس آف انڈیا ایس اے بوبڈے نو ججز کی بینچ کی سربراہی کریں گے۔
سپریم کورٹ نے 6 جنوری کو ایک نوٹس جاری کیا تھا جس میں اس فہرست سے متعلق معلومات دی گئیں۔
سنہ 2019 کی 13 دسمبر کو سپریم کورٹ نے اپنے فیصلے میں کہا تھا کہ 'سبری مالا مندر کے معاملے سے متعلق 2018 کا فیصلہ 'حتمی نہیں' ہے کیونکہ یہ معاملہ سات ججز کی بینچ کے سامنے زیر التوا ہے، جو بہت پہلے ہی تشکیل دیا گیا ہے۔'
واضح رہے کہ سابق میں تین ججز کی بینچ نے سبری مالا مندر کے اندر خواتین کے داخلے کے سلسلے میں اجازت مانگنے کے لئے دو درخواست گزروں بندو امینی اور فاطمہ اے ایس کی طرف سے دائر درخواست پر حتمی فیصلہ کے سلسلے میں انتظار کرنے کے لیے کہا تھا۔
اطلاعات کے مطابق سابق میں ایک شخص نے بِندھو نامی خاتون کے چہرے پر مرچ اور کالی مرچ چھڑک دیا تھا جب وہ سبری مالا مندر جارہی تھی۔ فاطمہ نے بھی مندر میں داخل ہونے کی کوشش کی تھی۔
عدالت عظمی نے اس معاملے کے سلسلے میں کوئی اور حکم پاس کرنے سے انکار کردیا۔
عدالت عظمی نے سال 2018 میں ہر عمر گروپوں کی لڑکیوں اور خواتین کو کیرالہ کے سبری مالا میں لارڈ ایاپپا کے مندر جانے کی اجازت دی تھی ، جس کے بعد نظرثانی درخواستوں کا ایک بیچ دائر کیا گیا تھا۔
مزید ٖپڑھیں : مندروں پر چڑھائے جانے والے پھول اب گھروں میں خوشبو بکھیریں گے
ان کی نظرثانی درخواستوں کی اجازت دیتے ہوئے عدالت نے گذشتہ ماہ معاملے کو لارجر بینچ کے پاس بھیج دیا تھا۔
