کیرالہ کے گورنر عارف محمد خان بدھ کے روز جہیز کے خلاف ہونے والے یک روزہ اپواس میں حصہ لیں گے۔ یہ یک روزہ اپواس صبح سے شام تک گاندھی بھون میں گاندھی میموریل فنڈ اور اس طرح کی دیگر تنظیموں کے ذریعہ منعقد کیا جائے گا۔
اس یک روزہ اپواس کا مقصد لوگوں کو جہیز دینے اور لینے کے خلاف آگاہ کرنا ہے۔
راج بھون کے ذرائع نے بتایا کہ گاندھی وادی تنظیموں کی طرف سے موصولہ دعوت پر گورنر نے اس مہم میں شامل ہونے کا فیصلہ کیا ہے اور وہ شام 4.30 بجے پروگرام میں شرکت کریں گے۔
اس پروگرام کا مقصد خواتین پر ہو رہے ظلم کو روکنا اور کیرالہ کو خواتین کے لئے محفوظ بنانا ہے۔ گذشتہ ماہ کیرالہ کے گورنر عارف محمد خان نے خواتین سے 'جہیز کو نہ کہنے' کی اپیل کی تھی۔
