ریاست کیرلا کے وزیر اعلی پینا رائے وجین نے وزیر اعظم مودی کی سربراہی میں منعقد اجلاس میں شرکت نہیں کی، اس اجلاس میں کووڈ-19 کے پیش نظر بات چیت کی جانی تھی اور سبھی ریاستوں کے وزرائے اعلی نے ویڈیو کانفرینسنگ کے ذریعے وزیر اعظم کے ساتھ بات چیت کرنی تھی۔
ایک سرکاری عہدیدار نے بتایا 'آج کے اس اجلاس میں کیرلا کے وزیر اعلی کو بولنے کے لیے وقت نہیں دیا گیا تھا، اسی لیے وزیر اعلی کے بجائے چیف سیکریٹری ٹوم جوس اجلاس میں شریک ہوئے ہیں'۔
زرائع کے مطابق کیرلا کی جانب سے تحریر میں مرکز کو تجویز پیش کی گئی ہیں۔
زرائع نے بتایا 'اس سے پہلے کے اجلاس میں کیرلا کے وزیر اعلی کو بات کرنے کا موقع دیا گیا تھا لیکن اس بار جن ریاستوں کے وزرائے اعلی کو بات کرنے کا موقع نہیں دیا گیا تھا، انہیں تحریر میں اپنی تجویز پیش کرنے کو کہا تھا'۔
وزیر اعظم مودی نے ملک میں کووڈ-19 سے پیدا شدہ حالات کے بارے میں بات کرنے کے لیے سبھی ریاستوں کے وزرائے اعلی کے ساتھ ویڈیو کانفرینسنگ کے ذریعے اجلاس منعقد کیا ہے۔
وزیر اعظم مودی نے 23 اپریل کو لاک ڈاؤن کی مدت میں 03 مئی تک توسیع کر دی تھی اور اب 03 مئی کو کچھ ہی دن باقی ہیں، لیکن ملک میں کووڈ-19 کے کیسز تھمنے کا نام نہیں لے رہے ہیں۔
