کورونا کے کیسز میں اضافے کے درمیان کرناٹک کے وزیر اعلی بی ایس یدی یورپا نے کہا کہ حکومت نے پیر کے روز سے اگلے 15 دنوں تک ریاست میں تمام مظاہروں پر پابندی لگانے کا فیصلہ کیا ہے۔
حالانکہ انہوں نے فی الحال لاک ڈاؤن نافذ کرنے کے امکان سے انکار کیا ہے۔ وزیر اعلی نے اسکول اور کالج کو بھی بند کرنے سے انکار کیا ہے۔ یدی یورپا نے لوگوں سے ماسک پہننے اور معاشرتی دوری پر عمل کرنے کی اپیل کی۔ یدی یورپا نے افسران کو ماسک نہیں پہننے والوں کے خلاف سخت کارروائی کرنے کی ہدایت دی ہے۔
وزیر اعلی نے پیر کے روز بنگلور شہر سمیت دیگر اضلاع میں کورونا وبا کے حالات کا معائنہ کیا۔ اس دوران ریاست کے اعلی افسران موجود رہے۔
یدی یورپا نے کہا کہ بنگلور میں کووڈ 19 کے کیسز میں اضافہ پریشان کرنے والا ہے۔ انہوں نے کہا کہ ریاست میں ہر روز کورونا کے تقریبا 1377 کیسز سامنے آ رہے ہیں۔
یہ بھی پڑھیں: گلبرگہ: راؤڈی ویرتا کے قتل کے بعد سندر نگر میں توڑ پھوڑ
انہوں نے اجلاس کے بعد میڈیا سے کہا کہ لوگ اگر کووڈ 19 سے بچاؤ کے لیے ہدایات کی پاسداری نہیں کریں گے تو حالات کو قابو میں کرنا مشکل ہو جائے گا۔
