مسلم نوجوانوں نے تیار کیا آن لائن کلاسیز کے لیے نیا ایپ، حکومت کی ستائش

آئی آئی ٹی گریجویٹ مبین مسعود جو کشمیر سے تعلق رکھتے ہیں اور بلال عابدی جو کہ لکھنو سے تعلق رکھتے ہیں دونوں نے مل کر ایک انوکھا موبائل ایپ ڈیویلوپ کیا ہے جو اساتذۂ کو نہایت کم اسپیڈ انٹرنیٹ پر بھی یعنی 2-جی انٹرنیٹ پر آن لائن کلاسیز میں کسی طرح کی دشواری پیدا نہیں ہوگی، اس کے لیے حکومت ہند نے بھی ستائش کی ہے۔

مسلم نوجوانوں نے آن لائن کلاسیز کے لیے ایک نیا ایپ تیار کیا ہے جو کم انٹرنیٹ اسپیڈ میں بغیر رکاوٹ چلتا ہے ۔ جس کی مرکزی حکومت نے ستائش کی ہے۔

اس سلسلے میں ای ٹی وی بھارت سے بات کرتے ہوئے مبین مسعود کہتے ہیں کہ ملک ہند کی بیشتر آبادی دیہی علاقوں میں بستی ہے جہاں انٹرنیٹ عموماً آہستہ چلتا ہے اور ایسے میں طلبا کا آن لائن تعلیم حاصل کرنا دشوار ہوتا ہے اور ایسے میں ان کا "وائز ایپ" کارگر ثابت ہوتا ہے۔

ایپ کے متعلق بلال عابدی نے بتایا کہ انہوں نے اسے ایڈ-فری بنایا ہے کہ طلباء کو حصول علم میں کسی قسم کی کوئی دشواری نہ ہو اور ایپ کو کلی طور پر مفت فراہمی کی گئی ہے۔

ڈیلوپر بلال نے بتایا کہ گزشتہ چند برسوں میں انہوں نے اپنے ساتھی مبین مسعود کے ساتھ کڑی محنت و مشقت کے بعد یہ ایپ تیار کیا ہے اور اس دوران آئے اخراجات کو اپنا جیب خرچ لگایا ہے۔

اس ایپ سے متعلق انہوں نے مزید بتایا کہ یہ پوری طرح سے محفوظ ہے کہ اس کے ڈیٹا اور موبائل نمبرز وغیرہ جیسے تمام تر معلومات کہیں بھی کسی کے ساتھ بھی شئیر نہیں کی جاتی۔