کرناٹک رکشنا آدیواسی پریشد کی جانب سے عالمی یوم قبائلی کے موقع منعقدہ تقریب سے ایڈوکیٹ بنگاراپا رکن ریاستی قبائلی کمیٹی یادگیر نے خطاب کرتے ہوئے کہا کہ آج 26 واں عالمی یوم قبائلی ہے جبکہ ہم گذشتہ تین برس سے یہ دن منارہے ہیں۔
عالمی یوم قبائلی: یادگیر میں تقریب کا انعقاد
انہوں نے کہا کہ ہمارے ملک میں تمام لوگوں کو یکساں حقوق حاصل ہیں اور آئین کے مطابق کوئی مذہب نہ بڑا ہے اور نہ چھوٹا ہے، سبھی مذاہب برابر ہیں۔
ایڈوکیٹ بنگاراپا نے قبائلی عوام سے اپنے حقوق کے حصول کےلیے آگے آنے کی اپیل کی اور کہا کہ قبائلی عوام کی خدمت کےلیے ہم لوگ ہمیشہ تیار رہیں گے۔
تقریب سے ہیرے مٹھ ایڈیٹر یادگیر ٹائمز، ملپا ضلع صدر، سیکریٹری انل، اور ایڈوکیٹ دتو راؤ نے بھی خطاب کیا۔
اس موقع پر یادگیر ضلع قبائلی کمیٹی کی جانب سے فروٹ کی تقسیم عمل میں آئی۔
