بنگلور: کورونا بحران کے دوران جاں بحق ہونے والے ایس آر ٹی سی کارکنان کے معاوضے کے لیے اس کی ویلفیئر پارٹی نے عدالت سے رجوع کیا ہے۔ دراصل گزشتہ دو کووڈ لہر کے دوران بڑی تعداد میں لوگوں کی ہلاکت ہوئی تھی۔ اس دوران حکومت کرناٹک کی جانب سے متعدد ڈیپارٹمنٹس کے ملازمین کو فرنٹ لائن ورکرز قرار دیکر حوصلہ افزائی کرتے ہوئے انہیں معاوضہ دینے کا اعلان کیا گیا تھا۔خاص طور پر ٹرانسپورٹ ملازمین کے ایس آر ٹی سی ورکرز کے متعلق کہا گیا تھا کہ کورونا بحران کے دوران جاں بحق ہونے والے ایس آر ٹی سی ورکرز کے اہلخانہ کو 30 لاکھ روپے معاوضہ دیا جائےگا۔Compensation of KSRTC Workers
وہیں اب تک کئی افراد معاوضہ نہ ملنے کی صورت میں اس معاملے کو ویلفیئر پارٹی نے اٹھاتے ہوئے کئی آر ٹی آئی فائل کر تفصیلات حاصل کیں، کئی اضلاع پہنچ کر کے ایس آر ٹی سی متوفی ورکرز کے اہلخانہ سے ملاقاتیں بھی کیں۔ تاہم یہ پایا کہ ابھی تک حکومت کی جانب سے کئی 'وکٹم فیملیز' کو کوئی معاوضہ نہیں دیا گیا ہے۔ اس سلسلے میں ویلفیئر پارٹی کرناٹک کے صدر ایڈووکیٹ طاہر حسین نے کہا کہ وہ اب کورٹ کا دروازہ کھٹکھٹا رہے ہیں تاکہ متاثرین کو معاوضہ و انصاف دلایا جاسکے۔
یہ بھی پڑھیں: کے ایس آر ٹی سی: کووڈ سے ہلاک ورکرز کے افراد خاندان معاوضے کے منتظر
