یادگیر میں فیملی ویلفیئر آفیسر ڈاکٹر ناگا راج پاٹل نے میڈیا سے بات کرتے ہوئے بتایا کہ شہر کے 8 ڈگری کالجز میں ویکسین کیمپ کا انعقاد عمل میں لایا گیا ہے، جہاں محکمہ صحت و کالج اساتذہ کی نگرانی میں طلبا و طالبات کو ویکسین دی جارہی ہے۔
ڈاکٹر ناگا راج نے تمام طلباء و طالبات سے محکمہ صحت کی جانب سے لگائے گئے ویکسین کیمپز سے مستفید ہونے کی اپیل کی۔ انہوں نے تمام افراد کو ٹیکہ لینے کا مشورہ دیا۔ انہوں نے کہا کہ جاریہ ماہ کے اواخر میں 10 ویں جماعت کے سالانہ امتحانات منعقد کئے جائیں گے، ایسے میں جن طلبا کی عمر 18 سال سے زیادہ سے زیادہ انہیں فوری طور پر ٹیکہ لینا چاہئے۔
یہ بھی پڑھیں:
یادگیر: فرنٹ لائن ورکرز کی خدمات کی ستائش
انہوں نے ڈگری طلبا و طالبات کو بھی ٹیکہ لگوانے کا مشورہ دیا۔ انہوں نے کہا کہ آئندہ ماہ ڈگری کے امتحانات بھی منعقد کئے جاسکتے ہیں، اس سے قبل تمام طلبا کو ویکسین لینا چاہئے۔
