بنگلور: تشدد میں جلے ایم ایل اے کے گھر کی تعمیر کرنے کی پیشکش

آج امیر شریعت مولانا صغیر احمد رشادی کی قیادت میں علماء کے ایک وفد نے مقامی ایم ایل اے اکھنڈا شرینیواس مورتی کی رہائش گاہ پر پہونچا اور انہیں تسلی دی کہ وہ ان کے ساتھ ہیں۔

اس موقع پر علماء کرام نے شرینیواس مورتی کو پیشکش کی کہ علماء کرام اپنے اخراجات پر ان کے گھر کی دوبارہ تعمیر کرینگے جو کہ تشدد کے دوران جل چکا تھا۔

اس کے جواب میں اکھنڈا شرینیواس مورتی جے نے بزرگوں سے دعاؤں کی التجا کرتے ہوئے کہا کہ آپ علما حضرات کہ دعائیں ہی میرے لیے کافی ہیں اور یہ کہ وہ خود ہی اپنے گھر کو بنوائیں گے۔

یاد رہے کہ شہر کے ڈی جے ہلی میں تشدد کے دوران مقامی ایم ایل اے اکھنڈا شرینیواس مورتی کی رہائش گاہ پر بھی توڑ پھوڑ کی گئی تھی جس سے ان کے گھر کو کافی نقصان پہنچا ہے۔