یادگیر: ریاست کرناٹک ضلع یادگیر کی ضلع انتظامیہ، ضلع پنچایت، ڈسٹرکٹ لیگل سروس اتھارٹی کے زیراہتمام یادگیر ضلع انتظامیہ بھون کے آڈیٹوریم میں چائلڈ اینڈ ایڈولیسنٹ لیبر (ممنوعہ اور کنٹرول) ایکٹ 1986 اور ترمیمی ایکٹ 2016 (سیکشن 16 اور 17) پر عمل آوری کے تحت افسران کے لیے تربیتی پروگرام منعقد ہوا۔ اس موقع پر سینیئر سول جج ساحل احمد نے کہا کہ چائلڈ لیبر ایکٹ کے مطابق 14 سال سے کم عمر کے بچوں کو کسی بھی شعبے میں کام نہیں کرنا چاہیے اور 15 سے 18 سال کی عمر کے بچوں کو خطرناک شعبوں میں کام نہیں کرنا چاہیے، اس نظام کو ختم کرنے کے لیے تربیتی پروگرام کاانعقاد عمل لایا گیا ہے۔ Training Programme in Yadgir
یہ بھی پڑھیں:
محکمۂ پولیس، محکمۂ محنت، محکمۂ ریونیو، محکمۂ پنچایت راج، محکمۂ خواتین اور بچوں کی ترقی، محکمۂ تعلیم، شہری ترقی، سماجی بہبود، پسماندہ طبقات کی محکمۂ بہبود، زراعت صنعت کامرس سمیت 11 محکموں کے افسران کے لیے ایک تربیتی پروگرام کا انعقاد کیا گیا۔ انہوں نے کہا کہ لیگل سروس اتھارٹی ضلع پولیس ڈیپارٹمنٹ کے ساتھ مل کر کام کر رہی ہے اور مفت قانونی خدمات فراہم کر رہی ہے اور سب کے تعاون اور ہم آہنگی سے اس مسئلے کو حل کیا جا سکتا ہے۔
ضلع پنچایت کے چیف ایگزیکٹیو آفیسر امریش آر نائیک نے کہا کہ انتہائی غربت اور معاشی تنگی کی وجہ سے غریب خاندانوں کے بچے چائلڈ لیبر کے طور پر کام کر رہے ہیں۔ اگر بچے اسکول جاتے ہیں تو چائلڈ لیبر کا خاتمہ ہو جائے گا ہر بچے کو اسکول میں داخل کر کے چائلڈ لیبر کا خاتمہ کیا جا سکتا ہے۔ سپرنٹنڈنٹ آف پولیس ڈاکٹر سی بی ویدا مورتی Superintendent of Police Dr CB Vedamurthy نے کہا کہ چائلڈ لیبر اور چائلڈ لیبر ایکٹ کے تحت چائلڈ لیبر بچوں کے بنیادی حقوق کی خلاف ورزی ہے، اس لیے اسے مکمل طور پر ختم کرنے کی ضرورت ہے۔
انہوں نے کہا کہ چائلڈ مزدوروں کی شناخت کر کے چائلڈ ہیلپ لائن 1098 اور قریبی پولیس اسٹیشن کو اطلاع دیں۔ پروگرام کی صدارت کرنے والے ایڈیشنل ڈسٹرکٹ ڈپٹی کمشنر شرن باسپا نے کہا کہ چائلڈ لیبر ایک سماجی لعنت ہے۔ اس کا خاتمہ صرف لیبر ڈیپارٹمنٹ سے ممکن نہیں۔ تمام محکموں کا اولین فرض ہے کہ اس نظام سے چائلڈ لیبر کو نجات دلائیں۔
