کرناٹک میں زہریلی غذا کھانے سے تین افراد کی موت

زہریلی غذا کھانے سے ایک ہی کنبہ کے 3 افراد کی موت ہوگئی جبکہ دو دیگر افراد کو اسپتال میں داخل کرایا گیا ہے۔ جس کی حالت نازک بتائی جارہی ہے۔

چتردرگا: کرناٹک میں ضلع چتر درگا کے ایسمدرہ گاؤں میں پیر کی رات زہریلی غذا کھانے سے ایک ہی کنبہ کے 3 افراد کی موت ہوگئی اور دو دیگر افراد کو اسپتال میں داخل کرایا گیا ہے۔

پولس ذرائع نے بتایا کہ مہلوکین کی شناخت تھپےنائک (46)، اس کی اہلیہ سدھا بائی (43) اور گنڈی بھائی (75) کے طور پر کی گئی ہے، جبکہ راہل اور رامیا کی حالت نازک ہے اور انہیں داونگیرے اسپتال میں داخل کرایا گیا ہے۔

برہماس نگر تھانہ کی پولس نے مقدمہ درج کرکے معاملے کی تفتیش شروع کردی ہے۔