اس موقع پر ای. ٹی. وی بھارت نے متعدد نوجوانوں سے بات کی کہ وہ شہریت ترمیمی قانون کو کس طرح سے دیکھتے ہیں؟
شہریت ترمیمی قانون کے خلاف مظاہرین کا سیلاب
نوجوان طبقہ کا ان قوانین کے متعلق کہنا ہے کہ مرکزی حکومت اپنے گزشتہ چھ برسوں کی ناکامیوں کو چھپانے کے لیے یہ قوانین لارہی ہے تا کہ وہ ملک کے لوگوں کو گمراہ کر ان کے ذہنوں کو اصل مدعوں سے ہٹایا جاسکے۔
نوجوان طبقہ کا سوال ہے کہ ملک کے بے روزگار نوجوانوں کو نوکریاں دینے میں ناکام مرکزی حکومت غیر ملکی مہاجرین کو لاکر انہیں کام کاج کیسے دیں گے؟ ان مہاجرین کو شہریت دینے کے بعد انہیں کہاں بسایا جائے گا؟
خاص طور پر نوجوان، حکومت سے یہ کہنا چاہتے ہیں کہ وہ اپنی انتظامیہ کو ملک کے بنیادی مسائل جیسے روزگار، خواتین کا تحفظ، صنعتکاروں کے مسائل وغیرہ کو حل کرنے کی کوششوں میں لگائے نہ کہ عوام مخالف قوانین بناکر لوگوں کو گمراہ کرے۔
