گلبرگہ کرناٹک کا تاریخی شہر کہلاتا ہے اور اس شہر میں تانبے کے برتن بنانے کا کام کرنے والے کاریگروں کی دکانیں جس علاقے میں واقع ہے اسے 'قلعی گلی' کے نام سے بھی جانا جاتا ہے۔
قلعی گلی کے کاریگروں نے ای ٹی وی بھارت کو بتایا کہ 'یہاں پر تانبے کے برتن بنانے والے کاریگروں کی قدیم دوکانیں موجود ہیں۔ ان میں سب سے زیادہ تعداد مسلم طبقے کی ہے۔
انہوں نے بتایا کہ اس کام کو ان کے بزرگوں نے شروع کیا تھا اور یہ کام آج بھی جاری ہے۔ کئی برسوں سے یہاں پر تابنے کے برتن اور قعلی کام کیا جاتا ہے۔
یہاں کے تانبے کے کاریگروں کا کہنا ہے کہ ایک زمانے میں گلبرگہ میں تیار کئے گئے تانبے کے برتن اور دیگر مصنوعات سعودی عرب اور دبئی بھیجا جاتا تھا لیکن آج کے دور میں تانبے کی بڑھتی قیمت کی وجہ عوام نے تانبے کے برتن کا استعمال کرنا کم کر دیا ہے۔
انہوں نے بتایا کہ دیگر دھاتوں کے برتن کی بہ نسبت تابنے کے برتن میں کھانا صحت کے لیے بھی فائدے مند ہوتا ہے۔
