گلبرگہ: ریاست کرناٹک کے ضلع گلبرگہ کے کھاری باولئ مومن پورہ میں واقع محمد عظیم الدین شیرینی فروش کارپوریٹر کے آفس میں عمرہ پر جانے والے سماجی کارکن شفیق احمد کے اعزاز میں تہنیتی پروگرام کا انعقاد کیا گیا۔ اس موقعے پر عزیز الله سر مست سینئر صحافی نے شفیق احمد ہنڈیکار کو ایک رسالہ بطور تحفہ پیش کیا۔ عزیز اللہ سر مست کا کہنا ہے کہ موجودہ دور میں زبردست مالی دشواریوں کے باوجود کتب و رسائل اخبارات کی اشاعت ہو رہی ہے۔
انہوں نے کہا کہ اردو داں عوام بالخصوص اودبا شعر اٹیچرز لکچررز انجتیرس ڈاکٹرس علما و دانشوران وکلاء تاجر اور تنظیموں واداروں کے ذمہ داران کی ذمہ داری ہے کہ وہ اردو کو زندہ رکھنے کیلئے اردو کے اخبارات و رسائل کی بھر پور پذیرائی کریں کم از کم مختلف پروگراموں تقریبات میں شالوں ہاروں پر روپیہ ضائع کرنے کے بجائے اردو کے کتب اخبارات و رسائل خرید کر تحفہ دینے کی تحریک کو آگے بڑھائیں۔
