گلبرگہ: سڑک حادثہ میں سات افراد ہلاک

ریاست کرناٹک کے ضلع گلبرگہ کے گاؤں سوالگی کے قریب سڑک حادثہ میں ایک حاملہ خاتون سمیت ایک ہی خاندان کے سات افراد ہلاک ہو گئے اور دو دیگر سنگین طور پر زخمی ہوگئے۔

ریاست کرناٹک کے ضلع گلبرگہ میں سڑک حادثے میں ایک ہی خاندان کے سات افراد ہلاک ہوگئے جبکہ دو دیگر سنگین طور پر زخمی ہوگئے۔

پولیس نے بتایا کہ سڑک حادثے کے شکار تمام لوگ ایک ہی خاندن کے ہیں۔ پولیس کے مطابق ہلاکتوں کی شناخت ضلع گلبرگہ کے تعلقہ آلند کے باشندے عرفان بیگم (25)، روبیہ بیگم (50)، عابدہ بیگم (50)، ضیا جنابی (60) منیر (28)، محمد علی (28) اور شوکت علی (29) کے طور پر ہوئی ہے۔

یہ لوگ کار میں سوار ہو کر گھر کی ایک حاملہ خاتون کو ہسپتال میں داخل کرنے جا رہے تھے۔ اسی دوران ان کی کار گلبرگہ کے گاؤں سوالگی کے قریب سڑک کنارے کھڑے ایک ٹرک سے ٹکرا گئی۔

پولیس نے بتایا کہ پوسٹ مارٹم کے بعد لاشیں اہل خانہ کو سونپ دی جائیں گی۔ اس حادثے میں زخمی دو افراد کو گلبرگہ گورنمنٹ ہسپتال میں داخل کیا گیا ہے جہاں ان کی حالت نازک ہے۔ پولیس نے اس سلسلے میں معاملہ درج کر لیا ہے۔