فادر سوامی کی ہوئی موت کے خلاف سوشل ڈیموکریٹک پارٹی آف انڈیا کے ضلع گلبرگہ کی جانب سے ضلع کمشنر کے سامنے مرکزی حکومت کے خلاف نعرے بازی کر تے ہوئے احتجاج کیا۔
اس موقع پر ایس ڈی پی آئی کے ریاستی رکن عبدالر حیم پٹیل نے کہا کہ فادر اسٹین سوامی ہیومن رائٹس ایکٹیوسٹ اور سیکولر ذہنیت کے رہنما تھے۔ انہیں 2018 میں گرفتار کیا گیا تھا۔
آج ان کی موت اسپتال میں ہوئی ہے۔ مرکزی حکومت کے خلاف آواز اٹھانے والے ہر سیکولر رہنماؤں کو نشان بنا کر جیل میں ڈالا جا رہا ہے۔ ایسے کئی سیکولر لیڈران جیل میں بند ہیں۔ انہیں رہا نہیں کیا جار ہا ہے۔
جن لوگوں نے سماج میں نفرت اور انتشار پیدا کیا ہے اسے بیل دیا جاتا ہے لیکن جو شخص سماج کی بہتری، جہموری اقدار کی پاسداری کے لئے آوازیں اٹھاتا ہے اسے جیل میں بند کیا جا رہا ہے۔
مزید پڑھیں: غریبوں کے درد کا ہمدرد حسین شیخ، 1500 طلبہ کی فیس کو کیا معاف
اس موت کی پوری طرح سے انکوائری کر نے اور بے بنیاد جیل میں بند سیکولر تنظیموں کے لیڈران کو رہا کر نے کا مطالبہ کیا گیا۔
