بنگلور: ایس ڈی پی آئی کے دفتروں پر چھاپے جاری

بنگلور تشدد کی مجسٹریٹ اور سی سی بی تحقیقات کے دوران پولیس کے ذریعے ایس ڈی پی آئی کے دو دفاتر پر چھاپے ماری جاری ہے اور کچھ کاغذات کے علاوہ الیکٹرانک آلات ضبط کیے گئے ہیں۔

اس سلسلے میں ای ٹی وی بھارت سے بات کرتے ہوئے سوشل ڈیموکریٹک پارٹی کرناٹک کے ریاستی صدر محمد الیاس تھومبے نے بتایا کہ 'ہماری پارٹی کے دفاتر پر پولیس کے چھاپے ایک سیاسی سازش کا نتیجہ ہے۔'

الیاس محمد تھومبے نے الزام عائد کیا کہ 'بنگلور تشدد میں بی جے پی اور آر ایس ایس کے ساتھ کانگریس بھی شامل ہے اور اس سچ کو چھپانے و عوام کو گمراہ کرنے کے لیے ایس ڈی پی آئی پر کارروائی کی جا رہی ہے۔'

اس سلسلے میں الیاس محمد تھومبے نے کہا کہ 'یہ بی جے پی حکومت کی سازش اور زیادتی ہے جس کے خلاف وہ نہ صرف قانونی کارروائی کریں گے بلکہ بی جے پی اور آر ایس ایس کی سازشوں کو عوام کے سامنے بے نقاب کرنے کے لیے ملک گیر مہم چلائیں گے۔'