کرناٹک کے ضلع یادگیر کی تنظیم کولی سماج یادگیر کے صدر ڈاکٹر امیش نے میڈیا سے بات کرتے ہوئے کہا کہ گزشتہ ایک سال سے عوامی فلاح و بہبود کے تحت حکومت کی جانب سے ملنے والی امداد روک دی گئی ہے۔
کورونا کی وجہ سے ضلع میں ہونے والے ترقیاتی کاموں پر بھی روک لگی ہوئی ہے کیونکہ کہ ضلعی انتظامیہ کی تمام تر توجہ کورونا وائرس سے عوام کو بچانے اور عوام میں کورونا وائرس سے بچنے کے لئے احتیاطی اقدامات پر رقومات خرچ کر رہے ہیں۔
انہوں نے کہا کہ ریاست کے منتخب 224 اراکین اسمبلی اور 28 اراکین پارلیمنٹ کو حکومت کی جانب سے ملنے والی امداد اور اخراجات عوام کی فلاح و بہبود کے لئے وقف کرنا تھا مگر کسی نے بھی ایسا نہیں کیا۔
مزید پڑھیں: تلنگانہ میں لاک ڈاون ختم، یکم جولائی سے تعلیمی ادارے کھل جائیں گے
انہوں نے کہا کہ عوامی منتخب نمائندوں کو چاہیے کہ انہیں ملنے والی امداد کو نہ لیں بلکہ حکومت کا تعاون کریں اور عوامی فلاحی کاموں میں دلچسپی لیں۔
