بنگلورو: عام آدمی پارٹی (اے اے پی) نے کرناٹک کے گورنر تھاور چند گہلوت سے سب انسپکٹر آف پولیس (پی ایس آئیPSI Exam Scam) بھرتی امتحان کوغیر قانونی بتاتے ہوئے اس معاملے میں مداخلت کرنے اور ریاست کے وزیر داخلہ اراگا گیانندر کو فوری طور پر برخاست کرنے کامطالبہ کیا ہے۔ اے اے پی کے ریاستی صدر پرتھوی ریڈی کی قیادت میں پارٹی کے ایک وفد نے منگل کے روز یہاں گورنر کو ایک میمورنڈم سونپ کر اس کا مطالبہ کیا۔ انہوں نے گورنر کو سونپے گئے میمورنڈم میں تین اہم مطالبات کئے ہیں۔ AAP leaders demand Governor's intervention sought
وفد نے کہا کہ ریاست کے 52 ہزار امیدوار پی ایس آئی امتحان میں غیرقانونی طورسے کامیاب ہوئے ہیں اس لئے اس کا دوبارہ امتحان لیاجانا چاہیے۔ اس مقصد کے لیے ایک نئی اتھارٹی بنائی جائے اور شفاف تحقیقات کی جائیں۔ریڈی نے کہا کہ پی ایس آئی امتحان غیر قانونی کی جاری کرائم ریسرچ ڈیپارٹمنٹ (سی آئی ڈی) کی جانچ سست ہے۔ اس کے علاوہ ریاستی حکومت تحقیقات میں تاخیر کے لیے اپنا اثر و رسوخ استعمال کر سکتی ہے۔ اس لیے تحقیقات کے لیے وقت مقرر کیا جائے۔ ملزمان کو فوری گرفتار کیا جائے۔ PSI exam scam
انہوں نے کہا کہ محکمۂ داخلہ ریاستی کابینہ میں سب سے حساس محکمہ ہے۔ وزیر داخلہ گیانیندر کی اہلیت اور تجربے کی کمی ان کے عہدہ سنبھالنے کے بعد ہی واضح ہوگئی تھی۔ اس لیے انہیں فوری طور پر برطرف کرتے ہوئے کسی تجربہ کار رہنما کو وزیر داخلہ مقرر کیا جائے۔ اس وفد میں عام آدمی پارٹی کے بھاسکر راؤ ناگنا گوڑا، چنپا گوڑا، نیلور جگدیش چندر شامل تھے۔ Karnataka PSI recruitment scam
یو این آئی
