اس موقع پر ریاست مہاراشٹر کے بھارت مکتی مورچہ کی صدر پرتبھا اوپلے نے صحافیوں سے بات کرتے ہوئے کہا کہ ملک میں مردم شماری ہونا چاہیے۔ ہم مردم شماری کے لیے منع نہیں کررہے ہیں لیکن اس بار جو ملک میں مردم شماری ہونے جارہی ہے، وہ مذہب کی بنیاد پر لوگوں کی شہریت چھیننے کا کام کرے گی۔
اس بار مردم شماری کے او بی سی کالم کوہی غائب کر دیا ہے۔ ملک میں مرکزی حکومت سی اے اے، ین آرسی کو جاری کر کے دستور ہند کے خلاف کام کر نے کی کوشش کر رہی ہے، بی جے پی اور کانگریس دونوں ملک کے عوام کو گمراہ کر رہے ہیں۔
آج ملک بھر شاہیں باغ شروع ہونے پر مزکزی حکومت کو خوف پیدا ہو گیا ہے۔ اسی طرح ملک کے تمام عورتیں گھر گھر جا کر تمام مذاہب کے عوام کو سی اے اے، این آرسی سے ہونے والے نقصانات کے متعلق عوام میں بیداری لانے کی ضرورت ہے۔ سی اے اے، این آرسی سے پسماندہ طبقے کو سب سے زیادہ خطرہ ہے۔ اس لیے تمام مذاہب کے عوام کو متحد ہوکر اس لڑائی کو لڑنے کی ضرورت ہے۔
