جموں و کشمیر میں لگائی گئی پابندیوں کو ہٹانے کا مطالبہ کرتے ہوئے سینکڑوں کشمیریوں نے احتجاجی مظاہرہ کیا۔
احتجاجیوں نے ای ٹی وی سے بات کرتے ہوئے بتایا کہ کشمیر میں پابندیاں لگاکر کشمیریوں کے دلوں کو نہیں جیتا جاسکتا۔
وادی کے حالات پر کشمریوں کا بنگلورو میں احتجاج احتجاجی مظاہرہ مقامی تنظیموں کے اشتراک سے منعقد کیا گیا جس میں ان تنظیموں کے کارکنان نے کثیر تعداد میں حصہ لیا۔بنگلورو میں مقیم کشمریوں نے وادی میں عائد پابندیوں کو فوری طور پر برخواست کرنے کا مرکزی حکومت سے مطالبہ کیا۔ انہوں نے کہا کہ عائد پابندیوں کی وجہ سے انہیں اور ان کے افراد خاندان کو مشکلات کا سامنا ہے۔احتجاجیوں نے مزید کہا کہ کشمیر میں عائد پابندیاں انسانی حقوق کی پامالیوں کی ایک بہترین مثال ہے۔واضح رہے کہ کشمیر سوسائٹی کے احتجاج کے موقع پر کچھ ہندوتوا تنظیموں کی جانب سے رخنہ ڈالنے کی کوشش کی گئی لیکن پولیس کی جانب سے سخت سیکوریٹی انتظامات کئے گئے تھے۔
