ضلع گلبرگہ میں ایک سالہ بچے کے کورونا سے متاثر ہونے کے بعد متاثرین کی تعداد 17 ہوگئی ہے۔
اطلاعات کے مطابق حالیہ دنوں میں اس بچے کے والد ممبئی سے اپنے وطن افضل پور تعلق کے کاولگہ آئے تھے۔ کہا جا رہا ہے کہ والد کے ذریعہ ہی بچے میں کورونا وائرس منتقل ہوا ہے۔ اس خبر کے بعد سے کاولگہ میں خوف کا ماحول ہے ۔
کورنا وائرس کے سبب ضلع میں تا حال تین اموات ہوچکی ہیں جبکہ کورونا متاثرین کی کل تعداد 17 ہوگی ہے جن میں تین بچے شامل ہیں۔
وہیں گلبرگہ کے پڑوسی ضلع بیچاپور میں مزید کورونا کے دو نئے معاملات کا انکشاف ہونے کے بعد مریض نمبر 221 کے رابطے میں آنے سے 38 سالہ خاتون اور 25 سالہ شخص کے کورونا سے متاثر ہونے کی تصدیق ہوئی ہے۔ اس طرح یہاں پر بھی متاثرین کی تعداد 9 پہنچ گئی ہے ۔ متاثر ین شہر کے ای ایس آئی اسپتال میں زیر علاج ہیں۔
