بنگلور: مرکزی تفتیشی بیورو (سی بی آئی) نے کرناٹک کے یلہنکا، بنگلور میں تعینات ریل وہیل فیکٹری کے چیف انجینئر کو مبینہ رشوت ستانی کے معاملے میں گرفتار کیا ہے۔ سی بی آئی نے ایک بیان میں کہا کہ چیف انجینئر جی کے جالان کے خلاف شکایت کنندہ (سول کنٹریکٹر) سے مبینہ طور پر رشوت طلب کرنے کے الزام میں رپورٹ درج کی گئی تھی۔ رپورٹ کے مطابق جالان نے شکایت کنندہ سے ریل وہیل فیکٹری کے اندر مختلف قسم کے سول کام کے ٹھیکے پر کام جاری رکھنے کے لیے ایک لاکھ روپے کی مانگ کی۔ Rail Wheel Factory Bangalore
یہ بھی الزام ہے کہ افسر نے شکایت کنندہ کو اس کی طرف سے دیئے گئے ٹینڈر کو ختم کرنے کی دھمکی بھی دی تھی۔ سی بی آئی نے جال بچھا کر ملزم کو شکایت کنندہ سے مبینہ طور پر 75,000 روپے لیتے ہوئے رنگے ہاتھوں پکڑ لیا۔ اس کے احاطے میں تلاشی لی گئی اور 1.41 لاکھ روپے نقد اور قابل اعتراض دستاویزات برآمد کئے گئے۔
یہ بھی پڑھیں: ACB Arrest Sarpanch پلوامہ سرپنچ رشوت لیتے ہوئے گرفتار
یو این آئی
