ریاست کرناٹک گلبرگہ ضلع کل ہند مجلس تعمیر ملت کے جانب ایڈوکیٹ جے شہاب الدین رکن عاملہ کی زیر قیادت گلبرگہ سٹی کارپوریشن کے بلدی حلقوں کی تنظیم جدید سے متعلق جاری کیے گئے نوٹیفکیشن پر ڈپٹی کمشنر گلبرگہ کو اعتراضات پیش کیے گئے جس میں محلوں کے نام غلط درج کر نے کے بشمول کئی خامیوں اور بے قاعدگیوں کی اصلاح کر نے پر توجہ دلائی گئی ۔
اس موقع پر مطالبہ کیا گیا کہ گلبرگہ کے جو بلدی انتخابات ہونے والے ہیں اس میں کئ افراد کے نام ووٹرس لسٹ سے غائب ہیں، ان کے ناموں کو جلد سے جلد فہرست میں درج کیا جائے۔
اس لئے گلبرگہ ہر وارڈس میں ووٹنگ لسٹ کو درست کر نے اور وارڈس ووٹنگ کیمپ کا انعقاد کر نے کا مطالبہ کیا گیا ہے ۔اس موقع پر تعمیر ملت کے نائب صدرحیدر علی باغبان ،اور مقبول احمد اور دیگر ارکان نے شرکت کی۔
