کرناٹک: 'قربانی پر حکومت کی کوئی پابندی نہیں'

علماء کرام و سیاسی قائدین نے پھر سے یہ واضح کردیا ہے کہ قربانی پر حکومت کی کوئی پابندی نہیں، لیکن احتیاط کے ساتھ قربانی ادا کریں۔

ریاست کرناٹک کے دارالحکومت بنگلور میں کورونا وائرس کی وجہ سے حالات سازگار نہیں ہیں، عوام پریشان ہے اور ایسے میں قربانی کے ایام میں لوگ مغالطہ میں ہیں کہ کیا اس وبا کے دوران قربانی کی جاسکتی ہے؟ کیا جانور کے ذبیحہ پر حکومت کی پابندی ہے؟ وغیرہ سوالات میں گھرے ہیں.۔

علماء کرام و امارت شریعت کی یہ ہدایات رہی ہیں کہ قربانی شعائر اسلام میں سے ہے جو صاحب نصاب پر واجب ہے۔علما نے واضح کردیا ہے کہ مسلمان حکومت کی جانب سے جاری کردہ ہدایات پر مکمل طور عمل کریں اور قانون کے دائرے میں رہتے ہوئے قربانی ادا کرسکتے ہیں۔

چاہے وہ انفرادی ہو یا مشترکہ قربانی اور یہ کہ حکومت کی جانب سے جانوروں کی قربانی پر کسی قسم کی کوئی پابندی نہیں ہے۔

علماء و قائدین کہتے ہیں مسلمانوں کو چاہیے کہ وہ اپنے خریدے ہوئے جانوروں کو منسلک دستاویزات کے ساتھ منسی پالیٹی یا کارپوریشن کے ذبحہ خانہ میں لے جائیں اور قربانی ادا کریں۔