بنگلور: کچی آبادی والے علاقے میں کووڈ کیئر سینٹر کا قیام

بنگلور میں حلائی میمن جماعت، میڈیکل ٹاسک فورس اور دیگر سماجی تنظیموں نے ملکر 65 آکسیجن بیڈز پر مشتمل کووڈ کیئر سینٹر کا قیام کیا ہے۔

ریاست کرناٹک کے شہر بنگلور میں آئے دن کووڈ کیسز میں اضافہ ہورہا ہے، اموات کی تعداد میں بھی بھاری اضافہ ہوا ہے۔مریضوں کو ہسپتالوں میں بیڈز نہیں مل پا رہے ہیں اور آکسیجن کی قلت کی وجہ سے بے شمار مریض موت کا شکار ہورہے ہیں۔

اس تکلیف دہ حالات میں ٹینری روڈ پر واقع شاداب شادی محل میں حلائی میمن جماعت، میڈیکل ٹاسک فورس اور دیگر سماجی تنظیموں نے ملکر 65 آکسیجن بیڈز پر مشتمل کووڈ کئیر سینٹر کا قیام کیا ہے۔ اس سلسلے میں بات کرتے ہوئے کووڈ کئیر سینٹر کے ذمہ داران نے بتایا کہ پلیکیشینگر حلقے میں کچی آبادی والے علاقے جیسے دی جے ہلی کے. جی ہلی، گووندپور ہیں۔ان علاقوں میں بسنے والی آبادی کا تعلق غریب طبقے سے ہے۔یہاں کیئر سینیٹر کا قیام کرنے سے یہ غریب عوام یہان کی خدمات سے مستفید ہوسکتے ہیں۔

اس موقع پر میڈیکل ٹاسک فورس کے صدر شاہ الحمید نے مزید بتایا کہ یہ کووڈ کئیر سینٹر حکومت کرناٹک کے تعاون سے چل رہا ہے۔ چیف سیکرٹری نے اسے ریکمینڈ کیا ہے، لہذا ہمیں آکسیجن حاصل کرنے میں دشواریاں نہیں ہونگی۔

وہیں سماجی کارکن محمد آصف نے بی بی ایم پی کارپوریشن کے اہلکاروں و تمامی سماجی تنظیموں کے ذمہ داران کا شکریہ ادا کیا کہ وہ غریبوں و ضرورتمندوں کے خدمات کے لیے آگے آئے۔