ریاست کرناٹک کے شہر بنگلور میں حال ہی میں سابق مرکزی وزیر و سینئر کانگریس رہنما رحمان خان کی قیادت میں ایک اجلاس منعقد کیا گیا جس میں ریاست کے بیشتر ارکان اسمبلی اور قانون ساز کونسل کے ارکان نے شرکت کی۔
اس اجلاس میں یہ قرارداد منظور کی گئی کہ کانگریس ہائی کمان کو ایک یادداشت پیش کی جائے گی کہ پارٹی کی جانب سے قانون ساز کونسل میں ایک جگہ اقلیتی طبقے کو دی جائے۔
اس موقع پر سابق وزیر و موجودہ قانون ساز کونسل کے رکن نصیر احمد نے مسلم سماجی تنظیموں کی ستائش کی۔ کورونا وائرس کی وبا کے دوران خدمت خلق میں بڑھ چڑھ کر ضروت مندوں کی مدد کی اور غریبوں، ضرورت مندوں و مہاجر مزدوروں کی ضرورتوں کو پورا کرنے میں لگے رہے۔
نصیر احمد نے مسلمانوں کو مزید صبر کی تلقین کی اور کہا کہ اس وباء کے چلتے مسلمانوں پر ہو رہے فرقہ وارانہ حملوں کے خلاف سرگرمی و ان کے انصاف کے لیے مسلم لیجسلیچر فورم مستعد رہے گا تاکہ اس فرقہ وارانہ وائرس کو مات دی جاسکے۔
