محکمہ موسمیات کے مطابق آئندہ 24 تا 48 گھنٹوں کے دوران ساحلی علاقوں کے علاوہ کرناٹک کے بیشتر مقامات پر گرج چمک کے ساتھ بارش ہوگی۔
کرناٹک اسٹیٹ نیچرل ڈیزاسٹر منیٹرنگ سنٹر کے ڈائرکٹر سرینواس ریڈی نے بتایا کہ جنوب مغرب مانسون کیرالا ریاست میں داخل ہوگیا جبکہ ریاست کے مختلف علاقوں میں شدید بارش کا سلسلہ جاری ہے۔
سرینواس ریڈی نے بتایا کہ مانسون وقت مقررہ پر پہنچ چکا ہے لیکن اس کی پیشرفت میں دو تا تین دن درکار ہوں گے۔
انہوں نے بتایا کہ ریاست کے جنوبی اور شمالی علاقوں میں مانسون 8 جون کے بعد پہنچے گا۔ انہوں نے اس سال ریاست میں بارش معمول کے مطابق رہنے کی امید ظاہر کی۔
مقامی میٹرولوجیکل آفیسر کے مطابق کروار میں جمعرات کو 15 سنٹی میٹر بارش ریکارڈ کی گئی جبکہ کنڈاپور اور شیواموگا میں 11 سنٹی میٹر بارش ریکارڈ کی گئی
