بنگلورو: کرناٹک اسمبلی انتخابات کے مدنظر سیاسی گہماگہمی تیز ہو گئی ہے۔ اسی درمیان حکمراں بی جے پی نے 224، کانگریس نے 223 اور جے ڈی ایس نے 211 امیدواروں کو انتخابی میدان میں اتارے ہیں۔ ان میں سے کئی نئے چہرے ہیں جب کہ ایسے کئی رہنما ہیں جنہوں نے 6 سے 8 بار رکن اسمبلی منتخب ہو چکے ہیں۔ کانگریس کے آر وی دیش پانڈے سب سے سینئر رکن اسمبلی ہیں۔ اس سے پہلے ملکارجن کھرگے ایوان کے سینئر رکن اسمبلی تھے۔ وہ 9 بار ایم ایل اے منتخب ہوئے۔
آر وی دیش پانڈے: کانگریس کے سینئر لیڈر آر وی دیش پانڈے کرناٹک اسمبلی میں سب سے پرانے اور تجربہ کار رکن اسمبلی ہیں جنہوں نے 8 بار انتخابی میدان میں کامیابی حاصل کی ہے۔ وہ ایک بار شکست کھا چکے تھے۔ اب انہوں نے 10ویں بار پرچہ نامزدگی جمع کرائے ہیں۔ 1983 سے 1994 تک انہوں نے جنتا دل سے الیکشن لڑا اور 4 بار ایم ایل اے بنے۔ 1999 میں کانگریس میں شامل ہوئے۔ بعد میں 2004، 2013 اور 2018 کے انتخابات میں کامیابی حاصل کی۔ 2008 میں وہ سنیل ہیگڑے کے خلاف صرف ایک بار ہارے تھے۔ ملکارجن کھرگے کے بعد ایوان کے سینئر رکن ہیں۔
سدارامیا: 8 بار جیتے (ضمنی انتخابات سمیت) سابق وزیراعلیٰ سدارامیا نے 10 بار الیکشن لڑ چکے ہیں۔8 بار انہیں کامیابی ملی ہےجس میں ضمنی انتخابات بھی شامل ہیں۔ انہوں نے شیو باسپا کے خلاف ضمنی انتخاب میں 250 ووٹوں سے کامیابی حاصل کی تھی۔ اس کے علاوہ انہوں نے اپنے سیاسی کیریئر میں کل تین مرتبہ شکست (1989-1999، 2018 چامنڈیشوری) دیکھی ہے۔ پچھلے 2018 کے انتخابات میں سدارامیا نے بادامی میں کامیابی حاصل کی۔
ڈی کے شیوکمار: اے ڈی کے شیو کمار جو کے پی سی سی کے صدر ہیں۔ اب تک 7 انتخابات جیت چکے ہیں۔ 8ویں مرتبہ اسمبلی انتخابات میں قسمت آزما رہے ہیں۔ 1989 میں سیٹنور حلقہ سے الیکشن لڑا اور پہلی بار ایم ایل اے بنے۔ انہوں نے 1999 کے انتخابات میں سابق وزیراعلیٰ کمارا سوامی کے خلاف 56 ہزار ووٹوں کے فرق سے کامیابی حاصل کی تھی۔ 2008 سے وہ کنکا پورہ حلقہ کی نمائندگی کر رہے ہیں اور جیت رہے ہیں۔
جگدیش شیٹر: جگدیش شیٹر ایک کامیاب سیاسی رہنما ہیں۔ چھ بار اسمبلی میں شاندار کامیابی حاصل کی ہے۔ 2023 کے انتخابات میں انہیں بی جے پی کا ٹکٹ نہیں دیا۔ بی جے پی کی جانب سے نظر انداز کیے جانے کے بعد انہوں نے کانگریس کا دامن تھام لیا۔ انہیں ایک وزیر، اسمبلی اسپیکر، اسمبلی میں قائد حزب اختلاف، وزیر اعلیٰ کے طور پر کام کرنے کا وسیع سیاسی تجربہ رکھتے ہیں۔
