کرناٹک اقلیتی کمیشن کی جانب سے مساجد کے لیے ہدایات جاری

کورونا وائرس کی وباء کے مضر اثرات سے بچاؤ کے سلسلے میں عبادتگاہوں کو بھی بند کردیا گیا ہے۔ 8 جون سے مساجد سمیت دیگر عبادتگاہوں کو کھولنے کے لیے حکومت کی جانب سے گائڈلائن جاری کی گئی ہے۔

اس سلسلے میں کرناٹک اقلیتی کمیشن نے مساجد کے دوبارہ کھولے جانے سے قبل تفصیلی ہدایات جاری کی ہے۔

اس موقع پر نامہ نگاروں سے بات کرتے ہوئے کرناٹک اقلیتی کمیشن کے چیئرمن عبد العظیم نے بتایا کہ عبادت گاہوں کو ایک طویل مدت کے بعد کھولا جانا یقیناً خوش آئند ہے لیکن مصلیان و زائرین کو چاہیے کہ وہ اس وباء کے دوران حد درجہ احتیاطی تدابیر پر عمل پیرا ہوں۔