Memorial Lecture on Stan Swamy & Volken: اسٹین سوامی اور وولکین کی یاد میں لیکچر کا اہتمام

بنگلور میں وولکین و اسٹین سوامی کی یاد میں ایک لیکچر کا اہتمام کیا گیا جس میں سینیئر لائرز ورندا گروور اور ہینری نے شرکت کی اور آنجہانی اسٹین سوامی کی آدیواسیوں کے لیے گزری جد وجہد بھری زندگی پر روشنی ڈالی۔ Memorial Lecture on Stan Swamy in Bangalore

بنگلور: بنگلور میں اسٹین سوامی اور وولکین کی یاد میں ایک لیکچر کا اہتمام کیا گیا جس میں سینیئر لائرز ورندا گروور اور ہینری نے شرکت کی اور آنجہانی اسٹین سوامی کی آدیواسیوں کے لیے گزری جد وجہد بھری زندگی پر روشنی ڈالی۔ اسٹین سوامی کے متعلق کہا جاتا ہے کہ وہ انسانی حقوق کے کارکن تھے جنہوں نے اپنی زندگی کا بیشتر حصہ جیلوں میں بند آدیواسیوں و قبائلیوں کی رہائی کے لیے جدوجہد میں صرف کیا۔ 84 سال عمر کے بزرگ اسٹین سوامی کو سن 2018 میں 'بھیما کورے گاؤں' معاملے میں دہشت گردی کے الزام میں یو اے پی اے قانون کے تحت گرفتار کیا گیا تھا۔ وہ اخیر عمر تک جیل میں ہی بند رہے۔ یہاں تک کہ پارکنسن مرض میں مبتلا سوامی جولائی 2021 میں کسٹڈی ہی میں چل بسے۔ Memorial Lecture on Stan Swamy in Bangalore

پروگرام میں ایڈووکیٹ ورندہ گروور نے کہا کہ اسٹین سوامی کیس میں ہائی کورٹ سے جوڈیشیل انکوائری کی مانگ کی گئی ہے اور سماجی کارکنان مدھو اور ایڈووکیٹ پورنہ نے کہا کہ اسٹین سوامی کی موت منصوبہ بند قتل ہے اور اس معاملے میں انصاف کے لیے جدوجہد جاری رہے گی۔ انہوں نے مزید کہا کہ اکثریتی طبقے کو آگے آنا ہوگا اور اقلیتوں پر ہورہی زیادتیوں کے خلاف جدوجہد کرنی ہوگی، تاکہ ملک میں بڑھ رہے انتشار پر روک لگائی جاسکے۔

اسٹین سوامی کا یادگار لیکچر برائے جمہوریت اور انسانی حقوق کے محافظ

واضح رہے کہ اسٹین سوامی پارکنسن کے مرض میں مبتلا تھے اور انہوں نے طبی بنیادوں پر ضمانت کی درخواست کی تھی جسے متعدد بار مسترد کردیا گیا تھا۔ قید کے دوران، ان کی صحت بگڑ گئی اور وہ کسٹڈی ہی میں پچھلے سال 5 جولائی کو انتقال کر گئے۔ Memorial Lecture on Stan Swamy & Volken