بنگلورو:ملک کی دوسری ریاستوں کی طرح کرناٹک بھی بے روزگاری کے مسئلے سے دوچار ہے۔ریاست میں بے روزگاری تیزی سے بڑھ رہی ہے۔نوجوان بے روزگاری سے انتہائی پریشان ہیں، ان حالات سے نمٹنے کی غرض سے بنگلور کی متعدد سماجی تنظیموں کی جانب سے بڑے پیمانے پر 'کرناٹک جاب فئیر' کا اعلان کیا گیا. یہ جاب فئیر بتاریخ 4 مارچ کو الامین کیمپس میں منعقد ہوگا جس میں 100 سے زائد کمپنیاں 10،000 سے زائد جاب آفرس لیکر شرکت کریں گی۔
اس سلسلے میں تنظیموں کے ذمہ داران نے بتایا کہ یہ جاب فئیر خصوصاً ریاست کے رورل ایرئاز کے نوجوانوں کو اپنی طرف متوجہ کر سکتی ہے۔روزگار میلہ بلا کسی تفریق دین و مذہب سبھی کے لئے ہوگا. اس سلسلے میں بتایا گیا کہ جاب فئیر سے قبل فروری کے ویک اینڈز پر جاب اسپیرینٹس کے لئے کمیونیکیشن و انٹرویونگ اسکلز سے بھی آراستہ کیا جائے گا تاکہ طلباء باآسانی انٹرویوز کا سامنا کر سکیں.
یاد رہے کہ سنٹر فار مانیٹرنگ انڈین اکانومی (سی ایم آئی ای) کے تازہ ترین اعداد و شمار سے پتہ چلتا ہے کہ ملازمتیں پیدا نہیں ہوئیں کیونکہ ملک کی بے روزگاری کی شرح 6.43 فیصد سے 7.86 فیصد تک بڑھ گئی ہے. دیہی بے روزگاری 8.01% کی وجہ سے بڑھتی ہے. شہری بے روزگاری بھی 7.53 فیصد پر زیادہ رہی۔
یہ بھی پڑھیں:Healthy Diet Is Essential For Good Health تندرستی کے لیے صحت بخش خوراک ضروری ہے
بے روزگاری کے معاملے میں کہا جارہا ہے کہ بے ترتیب بارشوں اور مالی حالات کی سختی نے معاشی سرگرمیوں کو خاموش کر دیا ہے جس کے نتیجے میں دیہی روزگار کے امکانات بری طرح سے متاثر ہوئے ہیں۔
