کرناٹک:بیدر ضلع ڈپٹی کمشنر کے دفتر کے آڈیٹوریم میں موسم گرما کے دوران شہری اور دیہی علاقوں میں پینے کے پانی کی سربراہی سے متعلق مسائل کو حل کرنے کےلیے کئے جانے والے اقدامات پر عہدیداروں کا ایک اجلاس منعقد ہوا جس کی صدارت ڈپٹی کمشنر بیدر گویند ریڈی نے کی اس موقع پر ڈپٹی کمشنر گویند ریڈی نے کہا کہ موسم گرما کا کا آغاز ہورہا ہے اور عہدیداروں کو احتیاط کرنی چاہئے تاکہ اپریل اور مئی میں پینے کے پانی کا کوئی مسئلہ نہ ہو۔
کمشنر بیدر گویند ریڈی نے متعلقہ تعلقہ تحصیلداروں، تعلقہ پنچایت ایگزیکٹیو آفیسرس، اسسٹنٹ ایگزیکٹیو انجینئرس اور دیگر عہدیداروں سمیت حکام سے رابطہ کیا اور کہا کہ متعلقہ تعلقہ میں میٹنگ کی جائے۔گزشتہ سال ضلع کے کسی بھی تعلقہ میں ٹینکروں کے ذریعے پانی کی سپلائی نہیں ہوئی تھی، اس سال بھی نومبر کے پہلے ہفتے تک اچھی بارش ہونے سے ٹینکروں کے ذریعے پانی کی سپلائی کی کوئی صورتحال نہیں رہے گی۔ اپنے متعلقہ گرام پنچایتوں میں پی ڈی او اور واٹر مین کو چاہئے کہ وہ صحیح طریقے سے کام کریں اور عہدیداروں کو ہدایت دی کہ وہ ضلع کے گاؤں اور گرام پنچایت میں پانی کے مسائل کی فہرست بنائیں اور اس کی ایک کاپی انہیں دیں۔
گویند ریڈی نے کہا کہ اگر جل جیون مشن جے جے ایم میں کام ہو رہا ہے تو اسے جلد شروع کیا جانا چاہیے۔کچھ جگہوں پر جہاں پانی کا ذخیرہ نہیں ہے وہاں پرائیویٹ بورویل کرایہ پر لیے جائیں تاکہ لوگوں کو پانی کی پریشانی نہ ہو۔ حکام نے کہا کہ اگر نچلی سطح پر پانی کے مسائل کی نشاندہی کی جائے تو مزید مسائل نہیں ہوں گے۔
مزید پڑھیں:Farmers Issues in Bidar بیدر میں کسانوں کے مسائل کے لیے ڈپٹی کمشنر کو یادداشت
اس میٹنگ میں ضلع پنچایت کے چیف ایگزیکٹیو آفیسر شلپا ایم، باسواکلیان اسسٹنٹ کمشنر رمیش کولار، دیہی پینے کے پانی اور صفائی ستھرائی کے محکمہ کے ایگزیکٹیو انجینئرس، ضلع کے تمام تحصیلداروں، تعلقہ پنچایت کے ایگزیکٹیو افسران، دیہی پینے کے پانی اور صفائی ستھرائی کے محکمہ کے اسسٹنٹ ایگزیکٹیو انجینئرس، ضلع پنچایت کے چیف ایگزیکٹیو آفیسرز نے شرکت کی۔ ضلع بلدیہ کے تمام چیف آفیسرز اور ٹاؤن پنچایت کے عہدیداروں سمیت دیگر افسران موجود تھے۔
