آبشار دیکھنے پہنچا شخص غرقاب

ریاست کرناٹک کے ضلع یادگیر کے گرمٹکل تعلقہ میں ایک شخص آبشار دیکھنے اور تیرنے کی غرض سے آیا تھا تاہم تیرنے کے دوران ڈوبنے سے اس کی موت ہوگئی۔

ریاست راجستھان سے تعلق رکھنے والے 23 سالہ بھائے رام یادگیر اپنے رشتہ داروں کے پاس آیا تھا جس کے بعد وہ آبشار دیکھنے کی غرض سے رشتہ داروں کے ساتھ گرمٹکل کے آبشار پہنچا تاہم وہاں وہ تیرنے کے دوران پانی میں ڈوب گیا۔

جائے مقام پر پہنچ کر پولیس انسپکٹر ہنومنت اور پولیس عملہ نے مقامی افراد کی مدد سے لاش کو باہر نکالا اور بعد ازاں پوسٹ مارٹم کے بعد لاش کو ورثاء کے حوالے کر دیا۔

گرمٹکل پولیس نے معاملہ درج کرلیا ہے۔