اس موقع پر ریاست کرناٹک کے وزیر اعلیٰ بی یس یدی یورپا نے حالات کا جائزہ لینے کے بعد پریس کانفرنس کی۔
یدی یورپا نے بتایاکہ سیلاب کی زد میں آنے کے سبب اب تک 6 افراد ہلاک ہوچکے ہیں اور مرنے والوں کے اہل خانہ 5 لاکھ روپئے دینےکا اعلان کیا گیا ہے۔
مسلسل 4 دنوں سے جاری موسلادھار بارش کے سبب اکثر دیہاتوں کے مکانات پانی میں ڈوب گئے ہیں جس سے عام زندگی مشکل میں آچکی ہے۔
دیہات میں پھنسے لوگوں کو بچانے کے لیے این ڈی آر یف کی 5 اور ایس ڈی آر یف کی دو ٹیمیں روانہ کی جائیں گی۔کل صبح فوجی جوانوں کو بھی بلایا جارہا ہے۔
سرکاری افسران نے کہا ہے کہ وہ 24 گھنٹے عوام کی مدد کے لیے مستعد رہیں گے، بیلگام ضلع میں سب زیادہ علاقے پانی میں ڈوبے ہوئے ہیں جس میں چکوڈی، ہوکیری، گوکاک، اتنی، رائے باغ سیلاب سے متاثر ہوئے ہیں۔
بیلگام بازار دیگر اور راستوں پر پانی بھر چکا ہے اور نیشل ہائی وے اور ٹرین کے راستے بند ہونے کی وجہ سے آمد ورفت مسدود ہوچکی ہے۔
اس تعلق سے عوام کے نقصانات کا جائزہ لے کر مرکزی اور ریاستی حکومت نے سیلاب متاثرین کو ہر طرح کی امداد فراہم کرانے کی یقین دہانی کرائی ہے۔
