ریاست میں لاک ڈاون میں نرمی کے بعد شمالی کرناٹک روڈ ٹرانسپورٹ کارپوریشن کی بسیں سڑکوں پر دوڑ رہی ہیں جبکہ بس سہولت میں ہر روز اضافہ کیا جارہا ہے۔ ضلع بیدر میں 70 فیصد روٹس پر آر ٹی سی کی بسیں چلائی جارہی ہے۔
ڈویثرنل کنٹرولر بیدر چندر کانت نے بتایا کہ فی الحال امید کے مطابق مسافر نہیں آرہے ہیں جس سے کارپوریشن کو مزید نقصان کا خدشہ ہے۔ انہوں نے کہا کہ 21 جون سے بس سرویس کا آغاز کیا گیا تاہم شروع کے ایام میں بہت کم مسافرین نے سفر کیا۔ مسافرین کی تعداد میں کچھ اضافہ ہورہا ہے۔
انہوں نے بتایا کہ سرویس شروع ہونے کے 11 ویں روز 35 لاکھ روپے کا کلکش ہوا ہے جبکہ ضلع میں 6 ڈپوز کی تقریب 70 فیصد روٹس پر بسیں چلائی جارہی ہیں۔ لاک ڈاون سے قبل ہر روز 60 لاکھ روپے کا کلکشن ہوتا تھا لیکن اب صرف 35 لاکھ روپے کے ٹکٹ ہی فروخت ہورہے ہیں جس سے کارپوریشن کو نقصان ہورہا ہے۔
یہ بھی پڑھیں:
بیدر: ضلع کی چار تحصیلوں میں اسٹیڈیم تعمیر کیے جائیں گے
چندرکانت نے بتایا کہ کورونا وبا کے چلتے سماجی فاصلہ برقرار رکھنے کےلیے بس میں صرف 30 مسافرین کو ہی سفر کی اجازت دی جارہی ہے۔ تعلقہ، ضلع اور بین الریاستی سطح پر بسوں کی سہولت دستیاب ہے۔ چندرکانت نے مزید بتایا کہ اب تک 95 فیصد آرٹی سی ملازمین نے ویکسین لی ہے جبکہ ڈیویژن میں ابھی تک 2 ہزار 500 ملازمین کو ویکسین دی جاچکی ہے۔
