یادگیر: پربھو چوہان نے میٹرنٹی اسپتال کا دورہ کیا

کورونا وبا کی دوسری لہر ابھی تھم ہی نہ پائی کے تیسری لہر کی تیاریاں شروع کی جارہی ہیں کیونکہ ماہرین کے مطابق تیسری لہر میں زیادہ تر بچوں کے اس بیماری سے متاثر ہونے کا خدشہ ظاہر کیا جا رہا ہے جس کے چلتے ریاستی حکومت نے ہر ضلع میں ضلع انتظامیہ اور نگراں وزراء کو بچوں کے دواخانوں سے متعلق اور آنے والی تیسری لہر سے متعلق احتیاطی تدابیر پر زور دینے کے لیے کہا ہے۔

ریاستی وزیر برائے افزائش مویشیان و بیدر ضلع نگراں وزیر پربھو چوہان نے بیدر شہر کے سو بستروں والے میٹرنٹی اسپتال کا دورہ کیا۔

وزیر پربھو چوہان نے 100 بستر والے ماں اور بچہ ہسپتال کے ایڈمنسٹریٹر ڈاکٹر محمد سہیل سے تیسری لہر سے قبل وہاں ہورہے بستروں اور آکسیجن وغیرہ کے انتظامات پر بات کی۔

اسی طرح انھوں نے بیدر شہر کے سرکاری اسپتال کے مختلف وارڈوں کا خصوصاً کورونا کے مریضوں سے متعلق اور تیسری لہر کے آنے سے قبل وارڈ کی ہورہی تیاریوں کا جائزہ لیا۔

وزیر پربھو چوہان نے اسپتال میں ہورہی تیاریوں سے متعلق جانکاری حاصل کرتے ہوئے ڈاکٹروں سے کہا کہ محکمہ صحت سے جڑے ہر احباب موجودہ حالات میں اپنی نمایاں خدمات انجام دے رہے ہیں۔

اس موقع پر انہوں نے اسپتال کے ذمہ داران سے کہا کہ جلد از جلد اپنے کاموں کو مکمل کر لیا جائے۔ اس موقع پر اسپتالوں کے ذمہ داران کے علاوہ ڈاکٹرز موجود تھے۔