کرناٹک: پرزنرز ریفارمس کمیٹی نے 304 قیدیوں کی پیرول حاصل کی

عالمی وبا کورونا وائرس سے بچنے کے لئے اختیار کی گئی سب سے موثر تدبیر لاک ڈاون کے نفاذ کا فیصلہ کیا گیا ہے اور لوگوں کو تاکید کی گئی ہے وہ اپنے گھروں میں رہ کر ہی کورونا سے نجات حاصل کریں۔

ادھر کرناٹک میں قائم شدہ"کرناٹک پرزنرز ریفارمس کمیٹی" ریاست کے جیلوں میں بند قید وبند کی زندگی جھیل رہے قیدیوں کو کورونا کے مہلک اثرات سے بچا نے کے لئے ایک کامیاب کوشش کر رہیہے ۔
اس سلسلے میں کمیٹی کی جانب سے ہائی کورٹ میں ایک پی آئی ایل داخل کی گئی تھی ۔اس عرضی میں یہ اپیل کی گئی تھی کہ کورونا وائرس کے پیش نظر نافذ کردہ لاک ڈاؤن کے دوران ریاست بھر کی جیلوں میں بند ملزمین و سزا یافتہ قیدیوں کو رہا کیا جائے.

اس عرضی کے داخل کر نے کے بعد اس اپیل کو ہائی کورٹ نے منظوری دی اور 304 قیدیوں کو پیرول پر رہا کرنے کی ہدایات جاری کی۔اس کے علاوہ کرناٹک پرزنرز ریفارمس کمیٹی کی جانب سے یہ بھی کوشش کی جاری ہے کہ وہ مرد قیدی جنہوں نے 10 سال اور وہ خواتین قیدی جن کی 7 سال کی مدت جیل میں مکمل ہوچکی ہے، انہیں ان کے اچھے برتاو کی بنیاد پر رہا کروایا جاسکے.