کرناٹک حکومت نے کرناٹک پردیش کانگریس کمیٹی کے صدر کا عہدہ سنبھالنے والے ڈی کے شیوکمار کی تقریب حلف برداری کے لئے دوبارہ اجازت دینے سے انکار کردیا ہے۔
کرناٹک پردیش کانگریس کمیٹی (کے پی سی سی) نے ریاستی حکومت کی جانب سے اجازت سے انکار پر ایک بیان میں کہا ہے کہ 'اس واقعہ کی دوبارہ اجازت سے انکار کر کے بی جے پی حکومت انتقامی سیاست میں ملوث ہے'۔
شیوکمار نے وزیراعلی بی ایس یدیورپا کو خط لکھا۔ جس کے جواب میں یدیورپا نے پانچ جون کو کے پی سی سی کے سربراہ کی حیثیت سے چارج لینے کی اجازت کے لئے 14 جون کا دن مقرر کیا تھا۔
شیوکمار نے وزیراعلی کو لکھے اپنے خط میں درخواست کی کہ 'اگر اجازت دی جاتی ہے تو میں ایک خصوصی پروگرام میں ہمارے پارٹی آفس میں پارٹی کے تقریبا 150 سینئر رہنماؤں کی موجودگی میں چارج سنبھالوں گا'۔
اسی ذیل میں 14 جون کو 'پرتھینہ دینا' (حلف برداری دن) کا انعقاد ریاست بھر کے 7،800 مقامات پر ہونا تھا۔ جس میں 10 لاکھ کانگریس کے 'کاریا کارتاوں' (کارکنان) کی شرکت متوقع تھی، لیکن ریاستی حکومت نے اس سے انکار کردیا ہے۔
