کرناٹک: جماعت اسلامی ہند کی جانب اشیائے ضروریہ کی تقسیم

کورونا وائرس کی روک تھام کے لیے حکومت کی جانب سے لاک ڈاؤن ہے جس کی وجہ سے مزدور طبقہ پریشان حال ہے خصوصاً ایسے مزدور جو روزانہ کمائی کرکے اپنا گھر چلاتے ہیں۔

اس دوران جماعت اسلامی ہند کی جانب سے غریب اور حاجت مندوں میں راشن کی تقسیم کی گئی۔

اس پیچیدہ اور مشکل حالات میں ایسے مجبور مزدور، بیوائیں اور مسکینوں تک امداد پہنچانے میں جماعت اسلامی ہند کی جانب سے 'شعبہ ہیومنٹیرین ریلیف سوسائٹی' متحرک ہیں۔

اس سلسلے میں جماعت اسلامی ہند(کرناٹک) کے ریاستی صدر ڈاکٹر سعد بیلگامی نے بتایا کہ جماعت نے یہ بیڑا اٹھایا ہے کہ ریاست بھر میں مزدور و دیگر کمزور طبقے جو اس لاک ڈاؤن سے متاثر ہیں ان تک پہنچ کر انہیں راشن کٹ علاوہ یومیہ استعمال ہونے والی غذا کا بھی انتظام کیا جا رہا ہے۔