کورونا وائرس: لاش کے ساتھ غیر انسانی سلوک

ریاست کرناٹک کے دیون گری میں کورونا وائرس سے ہلاک خاتون کی آخری رسومات کا ویڈیو وائرل ہو رہا ہے جس میں لاش کو ایک جے سی بی مشین کے ذریعے لے جایا جا رہا ہے۔

کرناٹک میں کورونا سے ہلاک خاتون کی آخری رسومات کی ویڈیوز وائرل ہو رہی ہیں جس میں لاش کو جے سی بی مشین پر رکھ کر لے جایا جا رہا ہے۔

خاتون کی کورونا وائرس کی وجہ سے شموگا کے میگن ہسپتال میں موت ہوئی تھی جس کے بعد آخری رسومات کے جے سی بی کے ذریعہ دیون گری میں انجام دی گئی۔

تفصیلات کے مطابق ہلاک شدہ خاتون کو سانس لینے میں دقت کے بعد 14 جون کو شموگا کے میگن ہسپتال میں داخل کرایا گیا تھا جہاں ان میں کورونا وائرس کی تشخیص ہوئی اور 17 جون کو ان کی موت ہوگئی جس کے بعد ان کی لاش کے ساتھ غیر انسانی سلوک کی خبریں اور ویڈیوز سامنے آئیں۔

خاتون کی لاش جے سی بی میں رکھ کر لائی گئی تھی اور آخری رسومات ادا کی گئی۔

اس بابت ضلعی کلکٹر مہنتش آر بیلگی نے کہا کہ 'میں نے جے سی بی کے ذریعہ آخری رسومات کی ویڈیوز دیکھی اور اس کی چھان بین کی جائے گی۔ انہوں نے کہا کہ اس واقعے کو دہرایا نہیں جائے گا۔