کرناٹک میں سیلاب کی تباہ کاری، ہلاکتوں کی تعداد 40

ریاست کرناٹک کے 17 اضلاع گزشتہ دو ہفتوں سے شدید سیلاب کی زد میں ہیں۔ ایک طرف جہاں ان اضلاع میں حالات سدھرنے کا نام نہیں لے رہے ہیں وہیں کرناٹک کے نیچرل ڈزاسٹر مونیٹرنگ سینٹر نے ضلع بیلگاوی میں آنے والے پانچ دنوں تک مسلسل بارشوں کی پیشن گوئی کی ہے۔

سیلاب کے سبب پیش آئے واقعات میں اب تک 40 افراد کی جان گئی ہے، جبکہ 14 افراد کے لاپتہ ہونے کی اطلاع ہے۔

ابھی تک 5 لاکھ 80 ہزار 7 سو سے زائد افراد کو محفوظ مقامات پر منتقل کیا گیا ہے۔

ریاست کرناٹک میں 17 ضلع اور 2 ہزار سے زائد گاؤں سیلاب کی زد میں ہیں۔

ریاست بھر میں 1 ہزار 1 سو سے زائد امدادی کیمپ راحت کاروائی میں لگے ہوئے ہیں۔