وشوناتھ نے کہا کہ کورونا وائرس اور لاک ڈاؤن سے پریشان حال عوام پر اس طرح کے جرمانے عائد کرنا سراسر غلط ہے ہم حکومت سے اپیل کرتے ہیں کہ اس رقم کو کم کیا جائے۔
انہوں نے کہا کہ ایک عام آدمی دن بھر محنت کرکے دو سو سے تین سو روپے کماتا ہے ایسے دور اور حالات میں حکومت کے اس طرح کے جرمانے کی وجہ سے وہ مزید پریشان ہورہے ہیں۔
وشوناتھ نے کہا کہ عوام کو بھی چاہیے کہ وہ گھر سے باہر نکلتے وقت کورونا سے بچنے کے لیے احتیاطی اقدامات کے طور پر ماسک لگا کر ہی نکلیں اور سماجی فاصلے کا خیال رکھیں۔
واضح رہے کہ کرناٹک میں کورونا وبا پر قابو پانے کے لیے ریاستی حکومت نے سخت موقف اختیار کرتے ہوئے عوامی مقامات پر سماجی فاصلہ برقرار نہ رکھنے والوں اور ماسک نہ لگانے والوں کے لیے سخت قوانین کا بنایا ہے۔ ماسک نا لگانے والوں پر شہری علاقوں میں ایک ہزار اور دیہی علاقوں میں 500 روپے جرمانہ عائد کیا جا رہا ہے۔
