حکومت کرناٹکا نے ریاست میں موجود مراٹھا سماج کی معاشی، سماجی، تعلیمی اور مذہبی ترقی کے لیے مراٹھا ترقیاتی کارپوریشن کا قیام کیا اور ابتدائی طور پر حکومت نے ادارے کے لیے 50 کروڑ روپے مختص کیا ہے .
حکومت کے اس فیصلے کے خلاف ریاست بھر کی تنظیمیں سڑکوں پر اتر آئی ہیں۔
ضلع یادگیر کی مختلف کنڈا تنظیموں نے آج پانچ دسمبر کو بند کے اعلان میں شرکت کرتے ہوئے شہر میں جگہ جگہ احتجاجی مظاہرے منعقد کیے.
شہر میں کنڈا رکشنا ویدی کے مختلف شاخوں نے آج شہر کے سبھاش چوک ودیگراہم شاہراہوں پر ریاستی حکومت کے اس فیصلے کے خلاف احتجاج کیا۔ کنڑا تنظیموں کا کہنا ہے کہ حکومت کے اس فیصلے سے ریاست کرناٹک میں کنڈا زبان اور تہذیب کو شدید نقصان پہنچے گا .
مزید پڑھیں:
پی ایف آئی نے ای ڈی کے چھاپوں کی مذمت کی
کنڈا رکشنا ویدی کے جانب سے ضلعی انتظامیہ کو ایک یادداشت پیش کی گئی۔
جس میں وزیراعلی کرناٹکا سے مطالبہ کیا گیا کہ ریاست میں مراٹھا ترقیاتی کارپوریشن قائم کرنے کے فیصلے کو واپس لیں ۔
ضلع میں مختلف کنڈا تنظیموں کے بند کے اعلان اور ان کے احتجاج کو دیکھتے ہوئے شہر میں حفاظتی انتظامات کے تحت پولیس کا بھاری بندوبست کیا گیا ہے ۔
