ضلع یادگیر میں غیرسیاسی تنظیم کنڈا رکشنا ویدیکے نے کسان بل پر ایک پریس کانفرنس منعقد کی ۔اس پریس کانفرنس میں کنڈا رکشنا ویدیکے کے ضلع صدر بھیمو نائیک نے کہا کہ مرکزی حکومت کے اس کسان بل کے خلاف جو احتجاج کیے جا رہے ہیں اس میں رضاکارانہ طور پر ہم سب کو شریک ہونا چاہیے۔
یادگیر :کنڈا رکشنا ویدیکے کی پریس کانفرنس انہوں نے کہا کہ کسان یونین کی جانب سے 25 ستمبر کو احتجاج کیا جا رہا ہے ہم اس احتجاج کی تائید کرتے ہیں اور ہم اس میں شرکت کریں گے۔انہوں نے عوام سے بھی اپیل کرتے ہوئے کہا کہ کسانوں کے حق میں آواز بلند کریں اور اس احتجاج میں شامل ہونے کے لیے رضاکارانہ طور پر اپنے کاروبار کو بند کرتے ہوئے اس احتجاج میں شرکت کریں۔انہوں نے مزید کہا کہ مرکزی حکومت کو چاہیے کہ اس کسان بل کو واپس لیں، اس بل کو لانے سے پہلے کسانوں سے مشورہ نہیں لیا گیا ۔آج پورے ملک میں کسان بے حد پریشان ہے اور سڑکوں پر نکل آیا ہے ۔مرکزی حکومت کو چاہیے کہ کسانوں کی بات کو سنیں اور ان کے مسائل کو حل کریں۔
